Filed Under:  WARARKA

Wariye xaalad amaan uga baxsaday magaalada Muqdisho kadib qatar amaan oo soo…

Sida ay baahiyeen qaar ka mid ah warbaahinta magaalada Muqdisho, ciidamo ka tirsan Hay’adda Nabad sugida Soomaaliya ayaa hanjabaadyo xarig iyo dil u jeediyey mid ka mid ah wariyayaasha ka howlgala magaalada Muqdisho gaar ahaan kuwa ka shaqeeya website-yada ku hadla afka Soomaaliga iyo idaacadaha maxaliga ah ee madaxa bannaan kaas oo lagu magacaabo Maxamed Maxamuud Cilmi (Juube), waxaana la sheegay in tiro dhowr jeer ah oo xiliyo habeen ah ay gurigiisa tageen ciidamo, hase yeeshee nasiib wanaag xaafadda ma uusan joogin sida ay reerkiisa sheegeen.

Ehelka Wariye Maxamed Maxamuud Cilmi (Juube) ayaa xaqiijiyeen in magaalada Muqdisho ka baxsaday Maxamed Maxamuud Cilmi (Juube), kaas oo ilaa iyo hadda aan la ogayn halka uu uga baxay magaalada Muqdisho.

Sidoo kale ehelada Wariye Maxamed (Juube) waxay sheegeen in wiilkooda uu magaalada uga tagay hanjabaadyo iyo digniino isdaba joog ah oo ka soo gaaray dhinacyada dowladda iyo dagaalyahanada Al-shabaab dhinacyadaas oo siyaabo kala duwan ugu hanjabay inay dilayaan haddii uusan joojin shaqada uu hayo ee warbaahineed, waxayna dhinacyadaasi midba midka kale uu ku eedeeyeen in wararka iyo warbixinada uu qoro ay yihiin kuwo ka dhan ah dhinacyadaasi.

Wariye Maxamed Juube ayaa la ogayn ilaa iyo hadda meel uu ku sugan yahay taasina waa midda welwelka ku keentay qoyskiisa, inkastoo wararka qaar ay sheegayaan inuu u baxsaday dalka dibadiisa, sidoo kale Wariye Maxamed Juube waxa uu la soo shaqeeyey qaar ka mid ah Idaacaddaha magaalada Muqdisho, wuxuuna baxsadka wariye Maxamed Juube imaanayaa  iyadoo bahda saxaafada Soomaaliya ay mar kasta la kulmaan dilal, dhaawacyo, xarig iyo hanjabaadyo uga yimaada dhinacyada isku haya siyaasada dalka, iyadoo xukuumadda hadda jirta ee uu hogaamiyo Ra’iisul Wasaare Xasan Cali Kheyre lagu tilmaamay midkii ugu qalifsaneed ee abid soo martay warbaahinta madaxa banaan ee ka howlgasha magaalada Muqdisho.

Hay’adaha u dooda xuquuqda suxufiyiinta ayaa inta badan soo saara baaqyo ay ku cambaareynayaan xadgudubyada loo geysto suxufiyiinta Soomaaliyeed, mana ahan markii ugu horeysay Suxufi Soomaaliyeed oo xaalado amaan awgiis uga soo cararo magaalada Muqdisho ee caasimada dalka Soomaaliya.

Fikradaha Akhristayaasha (0)




WARARKA

Latest Comments