Madaxweyanaha Dowladd goboleedka Galmudug Mudane Axmed Cabdi Kaariye ayaa soo xiray Shirka Xoojinta wax soosaarka Beeraleyda Galmudug oo maalmihi lasoo dhaafay ka socday Galmudug
Shirkan, oo ay soo qaban qaabisay Wasaaradda Beeraha Galmudug ayaa waxaa kasoo qeybgalay Wasiirka Beeraha Xukuumadda Soomaaliya mudane Maxamed Cabdi Xayir “ Maareeye” iyo qaar ka mid ah Wasaaradaha Beeraha Dowladaha Xubnaha ka ah Dowladda Federaalka Soomaaliya
Shirka ayaa lagu soo bandhigay dallaga kasoo go’ay beeraha Galmudug, ayadoo Madaxweynuhu ku dhiiro galiyay Iskaashatada Beeraleyda Galmudug inay kordhiyaan wax soo saarka.
Wasiirka Wasaarada Beeraha iyo Waraabka Dawlad goboleedka Hirshabeelle Mudane Maxamed sheekh Maxamuud ayaa qayb ka ahaa Wasiirada Dawlad goboleedyada ee ka qayb galay shirka looga hadlayay xoojinta wax soosaarka Beeraleyda Galmudug oo lagu qabtay Magaalada Dhuusamreeb.
