Ciidanka xoogga dalka Soomaaliyeed oo kaashanaya saaxiibada Caalamiga ah ayaa howlgal ka fuliyay gobolka Galgaduud gaar ahaan Degaanka Cali Yabaal.
War qoraal ah oo kasoo baxay dowlada Soomaaliya ayaa lagu sheegay in howlgalka lagu dilay in ka badan 15 xubnood isugu jira saraakiil & dagaalyahano ka tirsan Al-Shabaab, halka 22 kale lagu dhaawacay.
Sidoo kale Dowladda ayaa sheegtay in duqeynta lagu burburiyay saanad ciidan oo ay lahaayeen Al-Shabaab, isla markaana howlgallada ay noqon doonaan kuwo sii socda inta laga saarayo al shabaab guud ahaan dalka Soomaaliya .
Ugu dambeeyntii Ddowladda ayaa sheegtay Goobta duqeynta laga fuliyey ay Al-Shabaab u eheyd Saldhig ay ku aruuriyaan xubnaha weerarada fuliya, kuwaasoo loo yaqaano Jabhadda.
